सार्थ घोरकष्टोद्धारण स्तोत्र

श्लोक ५ (स्तोत्राचे मुख्य फलित)

धर्मे प्रीतिं सन्मतिं देवभक्तिं ।

सत्संगाप्तिं देहि भुक्तिं च मुक्तिम् ॥

भावासक्तिं चाखिलानन्दमूर्ते ।

घोरात्कष्टादुद्धरास्मान्नमस्ते ॥५॥

अर्थ: हे अखंड आनंदाचे प्रतीक असलेल्या दत्त महाराजा! माझ्या व्यावहारिक अडचणी दूर करा, जेणेकरून मला सद्धर्माची ओढ (प्रीती) लागेल, चांगली बुद्धी (सन्मती) मिळेल, ईश्वरभक्ती आणि सत्संगतीचा लाभ होईल. या शरीरात असेपर्यंत सर्व ऐहिक सुखे (भुक्ती) मिळून शेवटी मोक्ष (मुक्ती) मिळावा. म्हणजेच धर्म, अर्थ, काम आणि मोक्ष या चार पुरुषार्थांसह 'भक्ती' या पाचव्या श्रेष्ठ पुरुषार्थाची मला प्राप्ती व्हावी. या घोर कष्टातून माझा उद्धार करा, तुम्हाला माझा नमस्कार असो.

फलश्रुती (श्लोक ६)

श्लोकपंचकमेतद्यो लोकमंगलवर्धनम् ।

प्रपठेन्नियतो भक्त्या स श्रीदत्तप्रियो भवेत् ॥६॥

अर्थ: लोकांचे कल्याण आणि मंगल वाढवणार्‍या या पाच श्लोकांच्या स्तोत्राचे जो कोणी रोज (नियमपूर्वक) आणि भक्तीभावाने पठण करेल, तो भक्त प्रभू श्रीदत्तात्रेयांना अत्यंत प्रिय होतो.

इति श्रीवासुदेवानन्दसरस्वतीविरचितं घोरकष्टोद्धरण स्तोत्रं सम्पूर्णम् ॥

॥ दिगंबरा दिगंबरा श्रीपाद वल्लभ दिगंबरा ॥