Baked Chakli अजिबात न तळता बनवा बेक्ड चणा डाळ चकली; टेस्टी आणि सुपर हेल्दी!

ओवा: १ छोटा चमचा

लाल तिखट: १ ते १.५ छोटा चमचा (आवडीनुसार)
हळद: ½ छोटा चमचा

हिंग: ¼ छोटा चमचा

तेल: २ लहान चमचे (मोहनसाठी) + ग्रीसिंगसाठी

मीठ: चवीनुसार

पाणी: आवश्यकतेनुसार (पीठ मळण्यासाठी)

कृती-

भिजवलेली चणा डाळ कुकरमध्ये अगदी थोडे पाणी घालून २-३ शिट्ट्या काढून शिजवून घ्या. डाळ थंड झाल्यावर मिक्सरमध्ये न पाणी घालता अगदी बारीक पेस्ट वाटून घ्या.

एका भांड्यात चणा डाळीची पेस्ट, तांदळाचे पीठ, तीळ, ओवा, लाल तिखट, हळद, हिंग, २ चमचे तेल, दही आणि मीठ एकत्र करा. थोडे-थोडे कोमट पाणी वापरून मऊ पण घट्ट पीठ मळून घ्या.

ओव्हन १८०°C (350°F) वर १० मिनिटांसाठी प्री-हीट करायला ठेवा. बेकिंग ट्रेला थोडे तेल लावून बटर पेपर अंथरून घ्या.

चकलीच्या साच्याला आतून थोडे तेल लावा. चकलीची चकती घालून त्यात मळलेले पीठ भरा. बटर पेपरवर लहान-लहान गोल चकल्या पाडून घ्या.

चकल्यांवर ब्रशने अगदी थोडे तेल लावा. प्री-हीट केलेल्या ओव्हनमध्ये १८०°C वर १५ ते २० मिनिटे बेक करा. १०-१२ मिनिटांनंतर चकल्या उलटून दुसऱ्या बाजूनेही छान सोनेरी आणि कुरकुरीत होईपर्यंत बेक करा.

ओव्हनमधून काढून चकल्या पूर्णपणे थंड होऊ द्या. थंड झाल्यावर त्या अधिक कुरकुरीत होतात.

टिप: या बेक्ड चकल्या पूर्ण थंड झाल्यावर हवाबंद डब्यात भरून ठेवल्यास २ ते ३ आठवडे छान टिकतात.