श्रावणात बनवा उपवासाचे तोंडात टाकताच विरघळणारे नारळ आणि ड्रायफ्रूट लाडू

खजूर : १ कप (बिया काढलेले व बारीक चिरलेले/मिक्सरमध्ये फिरवलेले) किंवा १ कप गुळाचा पावडर

साजूक तूप: ३ ते ४ मोठे चमचे

वेलची पावडर: १ छोटा चमचा

जायफळ पावडर: १/४ छोटा चमचा

दूध किंवा कूटलेली खसखस: २-३ चमचे (ऐच्छिक)

कृती-

सर्वात आधी एका कढईत १ चमचा तूप गरम करा. त्यात काजू, बदाम, पिस्ता, अक्रोड आणि मखाने मंद आचेवर सोनेरी व कुरकुरीत होईपर्यंत ४-५ मिनिटे भाजून घ्या. भाजलेले ड्रायफ्रूट्स एका प्लेटमध्ये काढून थंड होऊ द्या आणि मखाने व ड्रायफ्रूट्स मिक्सरमध्ये थोडे जाडसर  वाटून घ्या. त्याच कढईत १ चमचा तूप घालून किसलेला नारळ मंद आचेवर २ ते ३ मिनिटे छान खमंग भाजा. (नारळाचा रंग बदलू देऊ नका, फक्त ओलसरपणा कमी झाला पाहिजे). खजूर वापरणार असल्यास उरलेल्या १ चमचा तुपात बारीक चिरलेले/दळलेले खजूर १-२ मिनिटे परता. खजूर मऊ होऊन एकत्र आल्यासारखे वाटतील. व नारळ भाजून झाल्यावर त्यात १ कप किसलेला गूळ घाला आणि मंद आचेवर गूळ पूर्ण वितळेपर्यंत एकत्र करा. आता कढईत भाजलेला नारळ, बारीक केलेले ड्रायफ्रूट्स-मखाना, वेलची पावडर आणि जायफळ पावडर एकत्र घाला. सर्व मिश्रण मंद आचेवर २ ते ३ मिनिटे चांगले एकजीव करून घ्या आणि गॅस बंद करा. मिश्रण थोडे कोमट (हाताला सहन होईल असे) होऊ द्या. हाताला थोडे साजूक तूप लावा. मिश्रणातील छोटा गोळा घेऊन हातावर दाबा आणि गोल-गोल सुंदर लाडू वळून घ्या. वळलेले लाडू दिसायला अधिक आकर्षक दिसण्यासाठी वरून सुक्या नारळाच्या किसामध्ये किंवा भाजलेल्या पांढऱ्या तिळात लोळवून घ्या.

महत्त्वाच्या टिप्स:

टिकाऊपणा: हे लाडू हवाबंद डब्यात ठेवल्यास १० ते १५ दिवस अगदी सहज टिकतात.

उपवास स्पेशल: काही लोक उपवासाला खसखस किंवा विशिष्ट ड्रायफ्रूट्स खात नाहीत. तुमच्या परंपरेनुसार जे उपवासाला चालते तेच साहित्य वापरावे.

ऊर्जेचा स्रोत: उपवासाच्या दिवशी अशक्तपणा जाणवू नये म्हणून रोज सकाळी १ लाडू आणि १ ग्लास दूध पिणे खूप फायदेशीर ठरते.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik