श्री मल्हारी माहात्म्य अध्याय ११ वा

उत्संगंयाहिरेमातुर्मुंचमुंचाजिसंभ्रमम् ॥ कोमलानितवांगानिनिर्द्दयाममभल्लय: ॥१६॥

इतितस्यवच:श्रुत्वाचुकोपसुतरामसौ ॥ विव्याधदैत्यंबाणानांसहस्त्रेणासिदंष्ट्रकम्‍ ॥१७॥

तेनतेंखड्गचालेनबाणा:छिन्नास्तुलाघवात् ॥ विव्याधचसेनान्यंबाणै:शतशस्त्रश: ॥१८॥

बाणजालंसमायांतंवीक्ष्यासौपार्वतीसुत: ॥ शक्तयानिवारयामासभ्रमत्याशिखिवाहन: ॥१९॥

तत:सकुंजरारुढ:शफरीव्याधलक्षित: ॥ जघानषण्मुखंबाणैरुच्चस्थ:समरेबली ॥२०॥

व्यर्थीकृतंमयूरेणसमुत्पत्यनभस्तलम् ॥ संघानंतस्यदैत्यस्यस्वामिनाधिष्ठितेनच ॥२१॥

संधानंव्यर्थतांमत्वावीक्ष्याकाशेतथोन्मुखम् ॥ जघानकेकिनंसद्य:शरेणसरुषंगले ॥२२॥

तत:कोपेनपूर्णोसाववित्तस्यकुंजरम् ॥ निमज्जत्करिपिच्छाग्रमर्द्धचंद्रेषुणालघु ॥२३॥

षण्मुखस्यधनुर्वंशंक्षुरप्रेणाशुगेनच ॥ चिच्छेदप्रोन्नतंदैत्योध्वजंभल्लासिधारया ॥२४॥

रत्नैर्विनिर्मितांस्तुंगान्किरीटानाशुगै:क्षणात् ॥ षड्‍भिस्तद्‍द्विगुणै:कर्णकुंडलानीषुजन्मन: ॥२५॥

व्याकुलीभूतचित्तोसौबाणजालैरभूत्तदा ॥ तत:कोपेनमहतास्फुरणद्दंष्ट्राग्रभीषण: ॥२६॥

मुमोचशक्तिमत्युग्रांशतघंटाविलंबिनीम् ॥ तां कल्पांतज्वलज्वालानिर्मितामिवदुर्धराम् ॥२७॥

दैत्याधमसहस्वेतिसातेनाशुगवृष्टिभि: ॥ वार्यमाणापिहृदयेऽपतत्तस्यचपापिन: ॥२८॥

विह्वल:शक्तिघातेनमुमोचासून्मदोद्धत: ॥ पलायमानंतत्सैन्यंमारयामासुरेश्वरा: ॥२९॥

केचिन्मुसलघातेननितरांपीडितोरस: ॥ रक्तंचराक्षसावेमुर्दिग्भ्रांताभ्रांतचेतस: ॥३०॥

परिघाघातसंभ्रांतमानसाराक्षसा:परे ॥ आसन्नमरणामूर्च्छामाययुस्तत्रसंगरे ॥३१॥

पतितानांचशस्त्राणांधाराभिर्गलितांघ्रय: ॥ केचिद्धावंतिसमरेभीरवस्तुपराड्मुखा: ॥३२॥

इतिश्रीब्रह्मांडपुराणेखड्गदंष्ट्रवधोनामएकादशोऽध्याय: ॥११॥