श्री मल्हारी माहात्म्य अध्याय २२ वा

नानेनसदृशोययज्ञोनानेनसदृशोमनु: ॥ नानेनसदृशंपुण्यंनानेनसदृशीगति: ॥१७॥

बहुनात्रकिमुक्तेनजपयज्ञव्रतानिच ॥ तीर्थदानतपोधर्मदेवतायतनानिच ॥१८॥

वापीकूपतडागानियेचान्येधर्मसंचया: ॥ नार्हंतिश्रवणाच्चास्यसर्वेसाहस्त्रिकींतनूम् ॥१९॥

दंभेनकपटेनापिबलाद्वापिप्रसंगत: ॥ य:श्रृणोतिजपेत्सोपिममवल्लभतामियात् ॥२०॥

नमे प्रियस्तथास्वामीनमेलंबोदर:प्रिय: ॥ नतथाप्रीयतेगौरीयथाश्रोतास्यमानव: ॥२१॥

किंतेनजातेनसुतेनसर्वथायोभक्तिमान्योमयिसर्वभावै: ॥ दहाम्यहंपातकराशिसंचयंमद्‍द्रोहकारीनहिविंदतेसुखम् ॥२२॥

अस्यस्त्रोत्रस्यमाहात्म्यंश्रुतस्यपठितस्य ॥ शेषोप्यनंतवदनैर्वक्तुंपारंनयास्यति ॥२३॥

दीर्घायुरत्रब्रह्मापिचतुर्वदनपंकजै: ॥ नवक्तुंपारमायातिमाहात्म्यश्रवणस्यच ॥२४॥

तस्मात्किमत्रबहुनायोमद्भक्त:सदानर: ॥ सोहमेवनसंदेहोममैतद्वचनंयथा ॥२५॥

सनत्कुमार उवाच ॥

एवमुक्त्वातुमल्लारिस्तान्सर्वान्विसर्जच ॥ तेपिप्रह्यष्टमनस:स्वस्थानंचसमाययु: ॥२६॥

अष्टाशीतिसहस्त्राणितस्मात्पूर्वंकलौयुगे ॥ पक्षपातेनविप्राणामगात्कैलासभूपति: ॥२७॥

सतत्रभुक्तिंमुक्तिंचकलौसिद्धिंप्रयच्छति ॥ तस्मात्कलौयुगेनान्य: प्रभावोविद्यतेसुरा: ॥२८॥

श्रीशिव उवाच ॥

एवमुक्त्वातुविप्रर्षिर्मल्लारिंमनसार्चयत् ॥ ऋषयोपिमहात्मानंतंप्रणम्यप्रतुष्टुवु: ॥२९॥

ऋषय ऊचु: ॥

महर्षेदु:खपंकस्थावयमुद्धारितास्त्वया ॥ श्रुत्वामल्लारिमाहात्म्यंहर्षश्चेतसिजायते ॥३०॥

ततोधिकोस्तिकोदेवोदेवदेवान्महेश्वरात् ॥ यस्यवेदानचत्वारोरुपंविंदंतितत्वत: ॥३१॥

अत:कलौयुगेघोरेभयंकस्यास्तिनोमुने ॥ किंचात्रबहुनोक्तेनजीवादानंत्वयाकृतम् ॥३२॥

श्रीशिव उवाच ॥

एवंस्तुत्वा महात्मानंतंविप्रंमुनिपुंगवा: ॥ स्वाश्रमानाययु:सर्वेजपयज्ञमहोत्सवा: ॥३३॥

तस्मात्पार्वतितत्राहंकलौसिद्धिप्रदोनृणाम् ॥ तत्क्षेत्रंतीर्थमप्येकंभुक्तिमुक्तिफलप्रदम् ॥३४॥

अधिष्ठितंमयादेवित्वयाचकृपयानृणाम्‍ ॥ येनकेनापिभावेनयद्यदिच्छंतिमानवा: ॥३५॥

तत्तत्सर्वमवाप्नोतिनात्रकार्याविचारणा ॥ तस्मात्सर्वप्रकारेणसर्वभावेनसर्वदा ॥३६॥

अहमेवबुधै:सेव्योनान्य:कश्चनविद्यते ॥ यद्गुह्यंपरमंदेविभक्त्यातवरानने ॥३७॥

प्रेम्णासंप्रोक्तमेतस्मात्किमन्यच्छ्रोतुमिच्छसि ॥ कस्मिंश्चिच्चनदातव्यंश्रद्धाहीनेकदाचन ॥३८॥

॥ इति श्रीब्रह्मांडपुराणेक्षेत्रखंडेश्रीमल्लारिमाहात्म्येश्रीमल्लारिप्रसादवाक्यंनामद्वाविंशतितमो‍ऽध्याय: ॥२२॥

॥ श्रीम्हालसापतिमार्तंडार्पणमस्तु ॥