सौदी अरेबियामध्ये १९८० साली चित्रपटांवर बंदी घालण्यात आली होती. चित्रपट पाहणे इस्लामविरोधी असल्याचे सांगत ही बंदी घालण्यात आली होती. मात्र आता तब्बल ४० वर्षांनी ही बंदी उठविण्यात आली असून देशभरात वेगवेगळ्या ठिकाणी चित्रपटगृहे बांधण्याचे काम सुरू आहे. २०३० पर्यंत सौदी अरेबियात ३५० चित्रपटगृहे बांधण्यात येणार असून यात २५०० स्क्रीन असणार आहेत. सौदी अरेबियाचे राजे प्रिन्स सलमान यांनी देशाला आर्थिक फायदा व्हावा म्हणून ही बंदी उठविल्याचे बोलले जात आहे.