व्हेनेझुएलामध्ये दोन शक्तिशाली भूकंपांचे धक्के, प्रचंड विध्वंस आणि १०,००० हून अधिक लोकांचा मृत्यू!

काराकाससह अनेक भागांतील इमारती आणि घरांचे नुकसान झाले आहे. मिळालेल्या माहितीनुसार, काराकास विमानतळाच्या छताचा काही भाग कोसळला, ज्यामुळे धुळीचा प्रचंड ढग उसळला. भूकंपानंतर कार्यवाहक राष्ट्राध्यक्ष डेल्सी रॉड्रिग्ज यांनी व्हेनेझुएलामध्ये आणीबाणी जाहीर केली आहे. मदत आणि बचाव कार्य सुरू आहे.

पहिला भूकंप ७.२ तीव्रतेचा होता, ज्याचा केंद्रबिंदू राजधानी काराकासच्या पश्चिमेला सुमारे १६० किमी अंतरावर, जमिनीखाली १३ किमी खोल होता. काही सेकंदांनंतर, दुसरा ७.५ तीव्रतेचा भूकंप झाला, ज्याचा केंद्रबिंदू मोरोन शहराच्या नैऋत्येला १० किमी अंतरावर होता.व्हेनेझुएलामध्ये भूकंपामुळे दहा हजारांहून अधिक लोकांचा मृत्यू झाला असावा, अशी भीती रॉयटर्स या वृत्तसंस्थेने व्यक्त केली आहे.

Edited By- Dhanashri Naik