आयपीएलच्या ट्रॉफीवरील संस्कृत ओळीचा अर्थ

वैदिक स्कूल या टि्वटर हँडलवर आयपीएलच ट्रॉफीवरील या संस्कृत ओळींचा अर्थ सांगण्यात आलेला आहे. यत्र प्रतिभा अवसर प्राप्नोतिही, ही संस्कृत गेली अनेक वर्ष आयपीएलच्या ट्रॉफीवर आपले स्थान टिकवून आहे. या वाक्याचा अर्थ, जिथे तुमच्यातल्या प्रतिभेला संधी मिळते असा होतो.

भारतात कोरोनामुळे निर्माण झालेली परिस्थिती पाहता यंदाची स्पर्धा होणार की नाही यावर गेल्या   काही दिवसांत अनेक चर्चा सुरु होत्या. परंतु यंदाची स्पर्धा रद्द झाल्यास बीसीसीआयला 4 हजार कोटींचं नुकसान होण्याची शक्यता होती. यासाठी बीसीसीआयने स्पर्धा यूएईत हलवली.

दरम्यान तेराव्या हंगामासाठी बीसीसीआयने चिनी मोबाइल कंपनीसोबत करार स्थगित करुन आर ड्रीम 11 या कंपनीला 222 कोटी रुपयांमध्ये स्पॉन्सरशीपचे हक्क दिले.