मगोप दोन आमदारांनी भाजपमध्ये प्रवेश

मगो पक्षाचे दोन आमदार फुटून भाजपमध्ये गेल्याने भाजपचे विधानसभेतील संख्याबळ १४ झाले आहे. दरम्यान, मगो पक्षाचे तिसरे आमदार सुदीन ढवळीकर यांनी मात्र सभापतींना सादर केलेल्या पत्रावर स्वाक्षरी केलेली नाही. मगोच्या दोन आमदारांनी भाजपमध्ये प्रवेश केल्याने मगो पक्षाचे अस्तित्वच धोक्यात आले आहे. विशेष म्हणजे मगो पक्षाच्या दोन आमदारांनी गोव्याचे नवनियुक्त मुख्यमंत्री डॉ. प्रमोद सावंत आणि भाजप प्रदेशाध्यक्ष विनय तेंडूलकर यांच्या उपस्थितीत भाजपमध्ये प्रवेश केला.