भाजपचा महामेळावा, गर्दीचे विक्रम मोडणार

भाजपच्या महामेळाव्यासाठी जिल्ह्याजिल्ह्यातून येणाऱ्या कार्यकर्त्यांच्या गाड्यांनी मुंबईकडे येणाऱ्या सर्वच रस्त्यांवर गर्दी केली आहे. याशिवाय, २८ विशेष रेल्वे गाड्यांनी कार्यकर्ते राज्यभरातून येणार आहेत. शिवसेनेचा शिवाजी पार्कवरील दसरा मेळावा, मनसेचा त्याच ठिकाणचा पाडवा मेळावा तसेच यापुढे दरवर्षी भाजपाच्या स्थापना दिनी बीकेसी मैदानावर महामेळावा घेऊन शक्तिप्रदर्शन करण्याचे भाजपाने ठरविले आहे. सोबतच काँग्रेस-राष्ट्रवादीच्या हल्लाबोल आंदोलनालाही हा महामेळावा हे उत्तर ठरणार आहे.