'पिप्सी'चा रंजक प्रवास लवकरच

'पिप्सी' चा हा पोस्टर लहान मुलांच्या भावविश्वाचा रंजक वेध घेणारा ठरत आहे. गावातल्या लहान मुलांच्या आवडत्या शीतपेयापैकी एक असलेल्या या 'पिप्सी' चा नेमका कोणता संदर्भ चित्रपटात मांडला आहे, हे जाणून घ्यायचे असेल, तर सिनेमा प्रदर्शनापर्यंत प्रेक्षकांना वाट पहावी लागणार आहे.

विधि कासलीवाल यांची प्रस्तुती आणि निर्मिती असलेल्या 'पिप्सी' या सिनेमात लहान मुलांच्या मानसिकतेचा आणि समाजातील समस्येकडे पाहण्याचा त्यांचा असलेला दृष्टीकोन मांडण्यात आला आहे. सौरभ भावे लिखित आणि रोहन देशपांडे दिग्दर्शित या चित्रपटामध्ये लहानपणीच्या निरागस मैत्रीचा रंजक प्रवासदेखील प्रेक्षकांना घडून येणार असल्यामुळे, प्रत्येकांना हा सिनेमा आपल्या बालपणाची आठवणदेखील करून देणारा ठरणार आहे.