चौकशीचा ससेमिरा पाठीमागे लागू नये भाजप प्रवेश सुरु :सुप्रिया सुळे

खासदार सुळे म्हणाल्या, की आपल्याला बेरोजगारांपेक्षा सुशिक्षित बेरोजगारांची मोठी चिंता आहे. बेरोजगारांना नरेगाच्या किंवा इतर कामाच्या माध्यमातून रोजगार मिळू शकतो. परंतु देशात सर्वत्र मंदी असल्याने सुशिक्षित बेरोजगारांचा प्रश्न मोठा आहे. निती आयोगाकडून देशातील आर्थिक स्थिती चिंताजनक असल्याचे सांगण्यात आले होते. परंतु भाजपा सरकारने याची गांभीर्याने दखल न घेतल्यामुळे देशात मंदीची लाट आली आहे असे त्यांनी सांगितले.