एलपीजी सिलिंडरचे आजचे दर: १ जूनपासून व्यावसायिक गॅस सिलिंडर ४२ रुपयांपर्यंत महाग

तेल विपणन कंपन्यांनी १ जूनपासून १९ किलोच्या व्यावसायिक एलपीजी सिलिंडरच्या दरात वाढ केली आहे. हे नवीन दर रविवार, १ जूनपासून लागू झाले आहे. तथापि, घरगुती एलपीजी सिलिंडरच्या (१४.२ किलो) दरात कोणताही बदल झालेला नाही.

व्यावसायिक गॅस सिलिंडर ४२ रुपयांनी महाग
नवीन दरांनुसार, दिल्लीत १९ किलोचा व्यावसायिक गॅस सिलिंडर ४२ रुपयांनी महाग झाला असून, त्याची किंमत ३,११३.५० रुपये झाली आहे. कोलकातामध्ये त्याची किंमत ५३.५० रुपयांनी वाढून ३,२५५.५० रुपये झाली आहे.

५ किलो फ्री ट्रेड एलपीजी सिलेंडरच्या दरातही वाढ
५ किलो फ्री ट्रेड एलपीजी (FTL) सिलेंडरच्या दरातही ११ रुपयांची वाढ झाली आहे. दिल्लीत हा सिलेंडर आता ८२१.५० रुपयांना उपलब्ध होईल. व्यावसायिक गॅस सिलेंडर प्रामुख्याने हॉटेल्स, रेस्टॉरंट्स, ढाबे आणि इतर व्यावसायिक आस्थापनांमध्ये वापरले जातात. त्यामुळे, या दरवाढीचा या व्यवसायांच्या खर्चावर परिणाम होऊ शकतो.

मारुती-ह्युंदाईच्या गाड्या महाग झाल्या
मारुती सुझुकी आणि ह्युंदाई मोटर इंडियाच्या गाड्यांच्या किमती आजपासून वाढल्या आहेत. मारुती सुझुकी जूनपासून आपल्या सर्व मॉडेल्सच्या किमतीत ३०,००० रुपयांपर्यंत वाढ करत आहे. ही वाढ मॉडेल आणि व्हेरिएंटनुसार वेगवेगळी असेल. ह्युंदाई मोटर इंडियानेही आपल्या संपूर्ण पोर्टफोलिओमध्ये १२,८०० रुपयांपर्यंतच्या दरवाढीची घोषणा केली आहे.

Edited By- Dhanashri Naik<>