अभिनेत्री सोनाली कुलकर्णी विवाहबंधनात अडकली

सोनालीने फेसबुक अकाऊंटवरून यासंदर्भात माहिती दिली. तिने आपल्या लग्नाचे फोटो शेअर केले आहेत. फोटो शेअर करताना सोनालीने लिहिलं आहे की, ‘आम्ही जूनमध्ये ‘युके’ला लग्न करणार होतो.

युकेच्या दुसऱ्या लाटेमुळे तारीख पुढे करावी लागली. मग स्थळाच्या उपलब्धतेनुसार अनुसार जुलैमधली तारीख ठरली. लग्नाच्या तयारीसाठी मी मार्चमध्ये शुटिंग संपवून दुबईला आले आणि भारतात दुसरी लाट आली. मी पुन्हा एकदा दुबईत अडकले पण लग्न बंधनातही !’

सोनाली कुलकर्णीने आतापर्यंत अनेक चित्रपटांमध्ये भूमिका साकारल्या आहेत. नटरंग चित्रपटात तिने साकारलेली भूमिका आणि त्याच चित्रपटातील लावणी, ‘अप्सरा आली…’ या लावणीमुळे चाहत्यांमध्ये सोनालीची ओळख अप्सरा म्हणून निर्माण झाली. सोनालीच्या नावावर अनेक सुपरहिट मराठी चित्रपट आहेत. एक-दोन हिंदी चित्रपटात देखील तिनं भुमिका केल्या आहेत.