'उत्तुंग भरारी'साठी पुन्हा सज्ज

सिनेसृष्टीची कोणतीही पार्श्वभूमी नसणाऱ्या उत्तुंगने परदेशातून चित्रपट निर्मितीचे धडे घेतले आणि त्याचा उपयोग त्याने भारतात येऊन केला. मुळात उत्तुंगला संहितेची उत्तम जाण असल्याने त्याच्या चित्रपटाची निवड अचूक ठरते. चौकटीमध्ये बंदिस्त न राहता काहीतरी नवीन देण्याचा त्याचा कायम प्रयत्न असतो. उत्तुंगचे वैशिष्ट्य म्हणजे एखादया चित्रपटासाठी त्याचे केवळ आर्थिक पाठबळच नसते, तर त्या चित्रपटाच्या सर्जनशीलतेसाठीही तो तितकाच आग्रही असतो. चित्रपटाच्या संपूर्ण प्रक्रियेत त्याचा वैयक्तिक सहभाग असतो. त्यामुळे उत्तुंगच्या निमित्ताने मराठी सिनेसृष्टीला एक जाणता निर्माता मिळाला आहे. एक निर्माता म्हणून तर त्याने 'उत्तुंग भरारी' घेतली आहेच याशिवाय 'डोक्याला शॉट' या चित्रपटातील एका गाण्यात त्याने आपले अभिनयकौशल्यही दाखवले आहे. त्यामुळे येत्या काळात आता उत्तुंग प्रेक्षकांसाठी काय नवीन घेऊन येणार आहे, हे सगळ्यांसाठीच औत्सुक्याचे ठरणार आहे.