T20 International match भारतीय संघ ७६ धावांवर गारद झाला, इंग्लंडने १२५ धावांनी विजय नोंदवला

भारत आणि इंग्लंड यांच्यातील तिसरा टी२० आंतरराष्ट्रीय सामना नॉटिंगहॅम येथे खेळला गेला. प्रथम फलंदाजी करताना इंग्लंडने २०१ धावा केल्या. प्रत्युत्तरात, भारतीय संघ ७६ धावांवर गारद झाला.

पाच सामन्यांच्या टी२० आंतरराष्ट्रीय मालिकेतील तिसऱ्या सामन्यात भारत आणि इंग्लंड एकमेकांसमोर उभे ठाकले. भारतीय संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना, यजमान इंग्लंडने फिलिप सॉल्टच्या शानदार अर्धशतकाच्या जोरावर २० षटकांत ७ गडी गमावून २०१ धावा केल्या.

इंग्लंडच्या धावसंख्येचा पाठलाग करताना भारतीय संघाच्या डावाची सुरुवात अत्यंत निराशाजनक झाली. त्यांनी अवघ्या पाच षटकांत पाच गडी गमावले. त्यानंतरही त्यांची पडझड सुरूच राहिली. इंग्लंडच्या भेदक गोलंदाजीसमोर ११.४ षटकांत केवळ ७६ धावांवर गारद होऊन भारतीय संघ पूर्ण २० षटके खेळू शकला नाही. हा सलग दुसरा पराभव होता, ज्यामुळे पाच सामन्यांच्या मालिकेत भारत मोठ्या फरकाने मागे पडला. मालिकेतील पहिला सामना पावसामुळे रद्द झाला होता, तर दुसऱ्या सामन्यात भारताचा पराभव झाला.

Edited By- Dhanashri Naik