LSG vs MI : लखनौने मुंबई इंडियन्सविरुद्ध आपले वर्चस्व कायम ठेवले

तसेच नाणेफेक गमावून प्रथम फलंदाजी करणाऱ्या लखनौने मिशेल मार्श आणि एडेन मार्कराम यांच्या अर्धशतकांच्या जोरावर २० षटकांत आठ गडी गमावून २०३ धावा केल्या. प्रत्युत्तरादाखल, सूर्यकुमार यादवनेही अर्धशतक ठोकले पण त्याचे प्रयत्न निष्फळ ठरले आणि मुंबईला निर्धारित षटकांत पाच बाद १९१ धावाच करता आल्या. मुंबईकडून सूर्यकुमारने ४३ चेंडूत नऊ चौकार आणि एका षटकाराच्या मदतीने ६७ धावा केल्या. तसेच लखनौचा मुंबई इंडियन्सविरुद्ध उत्कृष्ट रेकॉर्ड आहे आणि या सामन्यातही त्यांनी आपले वर्चस्व कायम ठेवले. लखनौचा मुंबईविरुद्धचा विजय-पराजय रेकॉर्ड आता ६-१ असा आहे. लखनौने आयपीएल २०२५ मध्ये आतापर्यंत चार सामने खेळले आहे आणि त्यात दोन पराभव पत्करले आहे आणि तेवढेच सामने जिंकले आहे. या सामन्यातील विजयासह लखनौने गुणतालिकेत सहाव्या स्थानावर झेप घेतली आहे. त्याच वेळी, मुंबईने चार सामने खेळले आहे आणि एक विजय आणि तीन पराभवांसह सातव्या स्थानावर आहे.  
<> Edited By- Dhanashri Naik