Divya Dhan Laxmi Potli कशी बनवायची? पैशाची पिशवी संपत्तीचे दारे उघडेल

तुम्हाला माहिती आहे का की, जुन्या काळात धनाची देवता स्थिर ठेवण्यासाठी म्हणजेच घरात पैसा ठेवण्यासाठी अनेक प्रयत्न आणि विधी केले जात होते. परंतु आता या युगात आपण असे विधी करू शकणार नाही, कारण ते खूप कठीण आणि महाग आहे. पण आता यावरही एक उपाय सापडला आहे आणि तो म्हणजे दिव्य धन लक्ष्मी पोटली, होय दिव्य धन लक्ष्मी पोटली तुमच्यासाठी संपत्तीचे दरवाजे उघडू शकते. ही दैवी संपत्ती लक्ष्मीची पोटली तिजोरीत ठेवणे अत्यंत शुभ मानले जाते.

दिव्य लक्ष्मी पोटली घराच्या संपत्तीसोबत ठेवणे खूप उपयुक्त मानले जाते कारण याने लक्ष्मीचा वास सदैव राहील आणि तुम्हाला पैशाची कमतरता भासणार नाही.

या प्रकारे तयार करा दिव्या लक्ष्मी धन पोटली

दिव्य लक्ष्मी पोटली तयार करण्यासाठी आपल्याला एका लाल कापडाची गरज असेल ज्यात सर्व साहित्य ठेवण्यात येईल. यात आयुर्वेदिक औषधी देखील सामील आहेत ज्याचं आपल्या जीवनावर चांगला प्रभाव पडतो. यासोबतच तुम्हाला हेही लक्षात ठेवावे लागेल की ही पोटली बदलताना त्यातील सर्व साहित्य बाहेर फेकून देऊ नका, तर हे साहित्य तुम्ही तुमच्या घरातील एका भांड्यात ठेवू शकता. यामुळे लक्ष्मीजी कधीही घराबाहेर जाणार नाहीत.

लक्ष्मी पोटली साहित्य (कुबेर पोटली साहित्य)

पोटली तयार करण्यासाठी सर्वात आधी लाल, गुलाबी किंवा पिवळा रंगाचा कपडा घ्या आणि त्याची पोटली तयार करा. आता त्यात सर्वप्रथम गणपती-लक्ष्मी असलेला शिक्का ठेवा. नंतर कमल गट्ट्याच्या बिया, अख्खे धणे आणि अक्षता ठेवा. नंतर पिवळ्या कवड्या आणि जरा मूग डाळ ठेवा. आपल्याला यात बार्लीच्या बिया देखील ठेवाच्या आहेत सोबतच कोरडी काळी आणि पिवळी हळद ठेवा. आता गोमती चक्र आणि लक्ष्मीची पावलं ठेवा. सर्व साहित्य कोरडं असावं. आता नाग केशर, नंतर मोठी सुपारी ठेवा. या प्रकारे आपली दिव्य लक्ष्मी पोटली तयार होते. आता ही पोटली स्वत:जवळ किंवा तिजोरीत ठेवू शकता.

या पोटलीचं मुख वरुन बंद करा आणि पूजा स्थळ किंवा धन स्थळी ठेवा आणि याची नियमाने पूजा करा. पोटली दिवाळीच्या मुहूर्तावर तयार केली असेल तर अजून शुभ परिणाम मिळतील. दिवाळीपर्यंत वाट बघणे शक्य नसल्यास शुक्रवारी देखील पोटली तयार करु शकता.

अस्वीकारण: हा लेख सामान्य माहितीवर आधारित आहे. ज्योतिष किंवा धर्मसंबंधी उपाय अमलात आणण्यापूर्वी तज्ञांचा सल्ला घ्यावा.