benefits of 'Mosambi' ‘मोसंबी’चे फायदे जाणून घ्या

रस घेण्यामुळे पोटातील आम्लता दूर होते, भूक लागते व पचनाच्या तक्रारी दूर होतात. 

शरीरात कोणत्याही कारणाने रक्‍तदोष निर्माण झाला, तर काही दिवस तरी नियमाने रस घ्यावा. 

बस, ट्रेन, बोट लागण्याची सवय असल्यास प्रवासात अधूनमधून साल काढून कापटी चोखत राहावे; त्रास जाणवत नाही.

मोसंबीची साल सावलीत वाळवून त्याची मडक्‍यात घालून राख करावी. उलटी होत असल्यास अर्धा चमचा राख मधातून उलटी थांबेपर्यंत 1/1 तासाचे अंतराने चाटवावी.

कफ प्रकृतीचे व्यक्‍तींना शक्‍तिवर्धक म्हणून रस घेणे असल्यास गरम करून, ग्लासभर रसात 2 चमचे आल्याचा रस टाकून घ्यावा, कफाचा प्रादुर्भाव होत नाही.

फुलांपासून मोसंबीचे सुवासाचा अर्क काढून अत्तर तयार करण्यासाठी वापरतात व याला खूप मागणी असते. 

Edited by : Smita Joshi