जीवन खूप सुंदर आहे

भाजीत जास्त मीठ पडू दे, बघून आणलेला नारळ कुजू दे,

उठायला थोडा उशीर होऊ दे, नाटकाला थोडी डुलकी लागू दे, काही बिघडत नाही !

बोलताना मित्राचं नाव विसरू दे, बायकोनं सांगितलेलं काम राहू दे,

गाडीतलं कधी पेट्रोल संपू दे, मोबाईल फोन जरा बंद पडू दे, काही बिघडत नाही !

लिहिताना पेनाची शाई संपू दे, चित्रातला रंग थोडा बाहेर जाऊ दे 

वहीचं एखादं पान फाटू दे, गाताना एखादी तान चुकू दे, काही बिघडत नाही !

काय वाट्टेल ते होऊ दे पण आपल्याच चुकण्यावर, फसण्यावर हसायची ताकद असू दे, 

मग . . . . . . . . . . . . . . . . . खरंच काहीच बिघडतच नाही!!

जीवन खूप सुंदर आहे