छोट्या मुंगीने हत्तीला शिकवला मोठा धडा; मुलांसाठी सुंदर बोधकथा

हे ऐकून ऐरावतचा अहंकार दुखावला गेला. "तू मला शिकवणार?" असे म्हणत त्याने आपल्या सोंडेत पाणी भरले आणि चिंकीच्या वारुळावर उडवले. पाण्याच्या प्रचंड माऱ्यामुळे  वारुळातील साठवलेले अन्न वाहून गेले आणि चिंकीचे घरही नष्ट झाले. चिंकी कशीबशी बचावली, पण हत्तीच्या या वागण्याने ती खूप दुखावली गेली. तिने ठरवले की, या अहंकारी हत्तीला धडा शिकवायलाच हवा.

दुसऱ्या दिवशी सकाळी हत्ती एका मोठ्या झाडाखाली गाढ झोपला होता. चिंकीने हीच योग्य वेळ ओळखली. ती अगदी हळूहळू, न घाबरता हत्तीच्या पायावरून सरपटत त्याच्या  मोठ्या कानाजवळ पोहोचली आणि शांतपणे त्याच्या सोंडेच्या आत शिरली.

सोंडेच्या आत जाऊन चिंकीने हत्तीला आतून चावायला सुरुवात केली. हत्ती क्षणात टाचा घासून उठला! त्याला असह्य वेदना होऊ लागल्या. तो जोरात सोंड हलवू लागला, जमिनीवर सोंड आपटू लागला आणि वेदनेने हंबरू लागला. "अहो! वाचवा!  माझ्या सोंडेत काय गेले आहे? मेलो गं आई!" असा ओरडत तो जंगलात इकडे-तिकडे धावू लागला. पण चिंकी आतून त्याला चावतच राहिली.

शेवटी वेदना सहन न झाल्याने हत्ती जमिनीवर गुडघे टेकून बसला आणि रडत म्हणाला, "माझ्या सोंडेत जो कोणी प्राणी आहे, कृपया मला माफ कर! मी यापुढे कोणालाही त्रास 

देणार नाही. मला या वेदनेतून वाचव!"

हत्तीचा अहंकार पूर्णपणे गळून पडला आहे हे पाहून चिंकी हळूच सोंडेच्या बाहेर आली आणि हत्तीच्या समोर उभी राहिली.

चिंकीला पाहून हत्ती थक्क झाला. एका छोट्याशा मुंगीने आपली ही अवस्था केली आहे यावर त्याचा विश्वासच बसत नव्हता.

चिंकी म्हणाली, "हत्तीदादा, आता समजले का? कोणाचाही आकार पाहून त्याला लहान किंवा कमकुवत समजू नये. शारीरिक ताकद हीच सर्वकाही नसते!"

हत्तीने मान खाली घातली आणि चिंकीची मनापासून माफी मागितली. त्या दिवसानंतर ऐरावतने कोणालाही त्रास देणे सोडून दिले आणि तो सर्वांशी प्रेमाने वागू लागला.

तात्पर्य : कधीही आपल्या ताकदीचा किंवा रूपाचा अहंकार करू नये. जगात कोणताही जीव लहान किंवा मोठा नसतो; प्रत्येकामध्ये काही ना काही विशेष ताकद असते. कोणालाही कमी  लेखण्याची चूक करू नये.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.