आईने दिलेले लोणचे कोरडे झाले का?, ते पुन्हा पूर्वीसारखे चटपटीत आणि रसरशीत करण्यासाठी या खास ट्रिक्स

२. चव टिकवण्यासाठी 'व्हिनेगर'चा वापर

जर तुम्हाला तेलाचा अतिवापर टाळायचा असेल, तर व्हिनेगर हा उत्तम पर्याय आहे.

काय करावे: २-३ चमचे पांढरे व्हिनेगर लोणच्यात मिसळा.

व्हिनेगरमुळे मसाला पुन्हा ओला होतो आणि लोणच्याला छान चकाकी येते. तसेच यामुळे लोणचे बुरशीपासूनही वाचते.

३. थोडासा गुळ किंवा साखर

जर लोणचे कोरडे होऊन खूप जास्त खारट किंवा आंबट वाटत असेल, तर अर्धा चमचा गुळ किंवा साखर थोड्या तेलात विरघळवून लोणच्यात मिक्स करा. यामुळे चवीचा समतोल राखला जातो आणि मसाला एकजीव होतो.

लोणचे खराब होऊ नये म्हणून काही महत्त्वाच्या टिप्स-

काचेची बरणी: लोणचे नेहमी काचेच्या किंवा चिनी मातीच्या बरणीतच ठेवा. प्लास्टिकमध्ये ते लवकर सुकते.

पाण्याचा स्पर्श टाळा: लोणचे काढताना नेहमी कोरडा चमचा वापरा. ओल्या हाताचा किंवा चमच्याचा स्पर्श झाला की लोणच्याला बुरशी लागते.

दाबून ठेवा: लोणचे बरणीत भरल्यानंतर ते चमच्याने दाबून ठेवा जेणेकरून मसाला आणि तेल वर येईल.

जर लोणच्याला पांढरी बुरशी आली असेल किंवा त्याला कुबट वास येत असेल, तर मात्र ते वापरू नका. पण जर ते फक्त कोरडे झाले असेल, तर वरील ट्रिक्स नक्कीच कामी येतील!

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik