घन रानी साजणा !
मी कशी तुझ्यासवे
चुकले वाट रे, सांग ना
घन रानी साजणा !
भिरभिर वाऱ्याची
थरथर पाण्याची
अवखळ सजणी मी
मनभर गाण्याची
तरी बाई सूर नवे नवे
सुखद मधुर वाटतात हवे या मना
घन रानी साजणा !
मधुमय समय असा
बहरुन कुंज हसे
तरळत गंध नवा
वय ते लावी पिसे
इथे तिथे गोड निळेपण
बावरते मन साद घालि कोण यौवना ?
घन रानी साजणा !
किती अधीर अधीर भाषा प्रीतीची
मन माझे, मन माझे, मन बोलत नाही ग माझे
किती लाजे, किती लाजे, वेडे लाजरे ग मन माझे
एक शपथ शपथ त्याला प्रीतीची
हृदया रे अदया रे बोल ना
घन रानी साजणा !
