इतरांसाठी जगणारे सदैव लक्षात राहतात!!

कुणी आलं नाही तर दुसरे एकदम वाईट ठरतात,

आपण कधी कामी पडलो का ?हे प्रश्न मनास ना पडतात!

द्यावं लागतं हो दुसऱ्यास काही न काही सतत,

तेंव्हाच ते ही पडतात कामी, हे उगाच नाही होत,

हाच तर धर्म निसर्गाने ठरवून दिला आहे,

जे तुम्ही पेरलं ते च तर उद्या उगवणार आहे,

तेव्हा वेळीच सावरा मंडळी स्वतः ला,

द्या दुसऱ्या साठीही कधी कधी स्वतः ला,

आपल्या पुरतं तर सगळेच रोज जगतात,

पण इतरांसाठी जगणारे सदैव लक्षात राहतात!!

..अश्विनी थत्ते

,