मशरूम पासून झटपट ३ स्वादिष्ट स्नॅक्स! delicious snacks from mushrooms

क्रिस्पी गार्लिक बटर मशरूम (Garlic Butter Mushroom)

साहित्य: मशरूम (धुऊन-पुसून घेतलेले), २ चमचे लोणी (Butter), बारीक चिरलेला लसूण, हिरवी मिरची, चिली फ्लेक्स, ओरिगांनो आणि कोथिंबीर.

कृती:

पॅनमध्ये बटर गरम करून त्यात बारीक चिरलेला लसूण आणि हिरवी मिरची परता. त्यात अक्खे किंवा अर्धे कापलेले मशरूम घाला. मशरूम पाणी सोडतील; मध्यम-मोठ्या आचेवर पाणी आटेपर्यंत ५-७ मिनिटे परता. शेवटी वरून मीठ, चिली फ्लेक्स, ओरिगांनो आणि कोथिंबीर घालून गरम-गरम सर्व्ह करा.

मशरूम स्टफ्ड चीज बाइट्स (Stuffed Cheese Mushroom)

साहित्य: मोठे बटण मशरूम, किसलेले चीज (मोझरेला किंवा प्रोसेस), बारीक चिरलेला कांदा, शिमला मिरची, काळी मिरी पूड आणि मीठ.

कृती:

मशरूमचे दांडे काढून रिकामी वाटीसारखा भाग तयार करा. काढलेले दांडे बारीक चिरून घ्या. एका कढईत थोडे तेलात चिरलेले दांडे, कांदा आणि शिमला मिरची २ मिनिटे परतून घ्या. हे मिश्रण थंड झाल्यावर त्यात चीज, मीठ आणि काळी मिरी पूड मिसळा. हे स्टफिंग मशरूमच्या वाट्यांमध्ये भरा आणि तव्यावर किंवा ओव्हनमध्ये चीज वितळेपर्यंत (५-८ मिनिटे) मंद आचेवर झाकण ठेवून बेक/शेकून घ्या.

मशरूम ६५ (Crispy Mushroom 65)

साहित्य: मशरूमचे तुकडे, २ चमचे कॉर्नफ्लॉवर, २ चमचे तांदळाचे पीठ, १ चमचा मैदा, आले-लसूण पेस्ट, तिखट, गरम मसाला, कढीपत्ता आणि मीठ.

कृती:

एका भांड्यात कॉर्नफ्लॉवर, तांदळाचे पीठ, मैदा, आले-लसूण पेस्ट, तिखट, गरम मसाला आणि मीठ थोडे पाणी घालून घट्ट पेस्ट बनवा. मशरूमचे तुकडे या मिश्रणात घोळवून गरम तेलात कुरकुरीत होईपर्यंत तळून घ्या. दुसऱ्या पॅनमध्ये १ चमचा तेलात कढीपत्ता व हिरवी मिरची तडतडवून हे तळलेले मशरूम त्यात टॉस करा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.