'Rose Day' Special बनवा शाही आणि सुगंधी रेसिपी गुलाब रसमलई

साहित्य-

१ लिटर गाईचे दूध

२ चमचे लिंबाचा रस किंवा व्हिनेगर

१ चमचा कॉर्नफ्लोअर (ऐच्छिक)

गुलाबी फूड कलर (१ थेंब)

५०० मिली दूध (फुल क्रीम)

४-५ चमचे साखर

२ चमचे रोज सिरप 

१/२ चमचा वेलची पूड

गुलाबाच्या सुक्या पाकळ्या 

पिस्त्याचे काप

१ कप साखर

४ कप पाणी

कृती-

सर्वात आधी दूध गरम करायला ठेवा उकळी आली की गॅस बंद करा आणि त्यात थोडे थोडे लिंबू पाणी टाकून दूध फाडून घ्या. हे फाटलेले दूध एका सुती कापडावर गाळून घ्या आणि थंड पाण्याने धुवून घ्या. कापड घट्ट बांधून ३०-४० मिनिटे टांगून ठेवा, जेणेकरून पूर्ण पाणी निघून जाईल. आता हा छेना एका ताटात घेऊन हाताच्या तळव्याने ५-७ मिनिटे चांगला मळा. त्यात १ थेंब गुलाबी रंग आणि कॉर्नफ्लोअर घालून एकजीव करा. याचे लहान लहान चपटे गोळे तयार करून घ्या. आता एका मोठ्या भांड्यात १ कप साखर आणि ४ कप पाणी उकळायला ठेवा. पाण्याला चांगली उकळी आली की तयार केलेले गुलाबी गोळे त्यात सोडा. झाकण ठेवून १०-१२ मिनिटे मध्यम आचेवर शिजवा. गोळे आकाराने दुप्पट होतील. त्यानंतर गॅस बंद करून ते थंड होऊ द्या. आता दुसऱ्या एका कढईत ५०० मिली दूध आटवायला ठेवा. दूध अर्धे होईपर्यंत आटवा. त्यात साखर आणि वेलची पूड घाला. गॅस बंद केल्यावर त्यात २ चमचे रोज सिरप घाला गरम दुधात रोज सिरप घातल्यास दूध फाटण्याची शक्यता असते, म्हणून कोमट असताना घालावे यामुळे रसाला सुंदर गुलाबी रंग आणि गुलाबाचा स्वाद येईल. चाळणीतल गोळे हलक्या हाताने दाबून त्यातले जास्तीचे पाणी काढून टाका. हे गोळे तयार गुलाबी रबडीमध्ये सोडा.  कमीत कमी ३-४ तास फ्रिजमध्ये ठेवा जेणेकरून रसमलईचा गोडवा गोळ्यांमध्ये नीट मुरेल. आता सर्व्ह करताना वरून सुक्या गुलाबाच्या पाकळ्या आणि पिस्त्याचे काप टाका.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik