Saffron Rose Biryani Recipe अतिशय शाही, सुगंधी आणि चवदार केशर गुलाब बिर्याणी

साहित्य-

बासमती तांदूळ: २ कप (स्वच्छ धुवून ३० मिनिटे भिजवलेला)

केशर: १५-२० काड्या (४ मोठे चमचे कोमट दुधात भिजवलेले)

गुलाब पाणी: २ छोटे चमचे

वाळलेल्या गुलाबाच्या पाकळ्या: २ मोठे चमचे (सजवण्यासाठी)

मिश्र भाज्या किंवा पनीर: २ कप (बटाटा, गाजर, मटार, फ्लॉवर किंवा पनीर क्युब्स)

दही: १ कप

तळलेला कांदा (बरिस्ता): १ कप

खडा मसाला: शहाजिरे, लवंग, मिरी, दालचिनी, वेलची, तमालपत्र

पुदिना आणि कोथिंबीर: बारीक चिरलेली

तूप किंवा तेल: ४-५ मोठे चमचे

मसाले: बिर्याणी मसाला (२ चमचे), आले-लसूण पेस्ट (१ चमचा), लाल तिखट, हळद आणि मीठ चवीनुसार.

कृती-

एका मोठ्या पात्रात पाणी उकळत ठेवा. त्यात थोडे मीठ, तमालपत्र, लवंग, वेलची आणि १ चमचा तूप टाका. पाण्याला उकळी आल्यावर भिजवलेला बासमती तांदूळ घाला. भात ७० ते ८०% शिजवून घ्या (जास्त मऊ करू नका). भात शिजल्यावर त्यातील पाणी गाळून भात एका मोठ्या परातीत मोकळा करून ठेवा. आता कढईत तूप किंवा तेल गरम करा. त्यात थोडे शहाजिरे आणि आले-लसूण पेस्ट परतून घ्या. आता त्यात सर्व भाज्या किंवा पनीर, हळद, तिखट, बिर्याणी मसाला आणि मीठ घालून परता. गॅस बारीक करून त्यात फेटलेले दही घाला आणि मिक्स करा. भाज्या अर्ध्या शिजेपर्यंत (५-७ मिनिटे) झाकण ठेवून वाफवून घ्या. आता एका जाड बुडाच्या टोपात किंवा हंडीत सर्वात खाली तयार केलेली भाजी/पनीरची ग्रेव्ही पसरा. त्यावर थोडा तळलेला कांदा, पुदिना आणि कोथिंबीर टाका. त्यानंतर वरून शिजवलेला बासमती भाताचा थर द्या. आता भाताच्या वर केशरचे दूध, गुलाब पाणी आणि थोडे साजूक तूप सर्व बाजूंनी सोडा. शेवटी वरून पुन्हा तळलेला कांदा, कोथिंबीर आणि वाळलेल्या गुलाबाच्या पाकळ्या टाकून सजवा. टोपाचे तोंड फॉइल पेपरने किंवा गव्हाच्या पिठाने पूर्णपणे बंद करा, जेणेकरून वाफ बाहेर जाणार नाही. मंद आचेवर (किंवा खाली तवा ठेवून) १५ ते २० मिनिटे बिर्याणीला छान 'दम' द्या. चला तर शाही सुगंधी केशर गुलाब बिर्याणी तयार आहे! ही बिर्याणी थंडगार बुंदी रायता किंवा कोशिंबिरीसोबत गरमागरम सर्व्ह करा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik