Veg Momos घरीच बनवा स्ट्रीट स्टाईल 'व्हेज मोमोज'

आले-लसूण: १ मोठा चमचा (अतिशय बारीक चिरलेले)

काळी मिरी पावडर: १/२ छोटा चमचा

सोया सॉस: १ छोटा चमचा (पर्यायी)

तेल: १ मोठा चमचा

मीठ: चवीनुसार

३. तिखट लाल चटणीसाठी:

लाल टोमॅटो: २ मध्यम

सुक्या लाल मिरच्या: ४ ते ५ (पाण्यात भिजवलेल्या)

लसूण: ७-८ पाकळ्या

आले: १/२ इंच

विनेगर / लिंबाचा रस: १ छोटा चमचा

साखर: १/२ छोटा चमचा

मीठ: चवीनुसार

कृती-

मोमोजची तिखट चटणी बनवणे

टोमॅटो आणि सुक्या लाल मिरच्या पाण्यात ५ ते ७ मिनिटे उकळून घ्या. टोमॅटोची साल काढून टोमॅटो, मिरच्या, लसूण, आले, साखर आणि मीठ मिक्सरमध्ये बारीक वाटून घ्या. कढईत १ चमचा तेल गरम करून हे वाटण २ मिनिटे परता आणि शेवटी १ छोटा चमचा विनेगर घालून गॅस बंद करा. (झणझणीत चटणी तयार!)

पीठ मळणे

एका भांड्यात मैदा, १ चमचा तेल आणि मीठ एकत्र करा. थोडे थोडे पाणी घालून घट्ट पीठ (पुरीच्या पिठासारखे) मळून घ्या. पिठाला ओल्या कपड्याने झाकून १५ ते २० मिनिटे बाजूला ठेवा.

भाजीचे सारण तयार करणे

कढईत १ मोठा चमचा तेल गरम करा. त्यात बारीक चिरलेले आले आणि लसूण ५ सेकंद परता. आता कांदा, कोबी, गाजर आणि शिमला मिरची घालून मोठ्या आचेवर फक्त २ ते ३ मिनिटे परता (भाज्या पूर्ण शिजवायच्या नाहीत, त्यांचा कुरकुरीतपणा राहू द्या). त्यात काळी मिरी पावडर, सोया सॉस आणि मीठ घाला. चांगले मिक्स करून गॅस बंद करा आणि सारण पूर्णपणे थंड होऊ द्या.

मोमोज वळणे आणि वाफवणे

भिजवलेल्या पिठाचे लहान लहान गोळे तयार करा. एक छोटा गोळा घेऊन अगदी पातळ (काठ पातळ ठेवून) पुरी लाटून घ्या. पुरीच्या मध्यभागी १ ते १.५ चमचा तयार सारण ठेवा. पुरीच्या कडांना घड्या (pleats) घालत एकत्र आणा आणि मोदकासारखा किंवा अर्धचंद्राकृती आकार देऊन वरून नीट बंद करा. स्टीमर किंवा इडली पात्राला आतून तेल लावा. त्यात मोमोज ठेवा. उकळत्या पाण्यावर मध्यम ते मोठ्या आचेवर १० ते १२ मिनिटे वाफवून घ्या. (मोमोज पारदर्शक/shiny दिसू लागले की शिजले असे समजावे). गरमागरम वाफवलेले व्हेज मोमोज तयार केलेल्या तिखट लाल चटणी आणि मेयोनीज सोबत सर्व्ह करा!

टिप्स:

पातळ पारी: मोमोजची पुरी जितकी पातळ लाटाल, तितके मोमोज मऊ आणि चविष्ट होतात.

सारणातील पाणी: किसलेल्या कोबीत जास्त पाणी असेल, तर ती आधी हाताने पिळून मगच फोडणीत वापरावी; नाहीतर मोमोज ओलसर पडतात.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik