Makeup Artist Death In Mumbai मेकअप आर्टिस्ट मृतावस्थेत आढळला

 सारा यंथन ही मूळची नागालॅंडची असून ती मुंबईत चित्रपट, टेलिव्हिजन आणि वेबसीरिजमध्ये मेकअप आर्टिस्ट म्हणून काम करत होती. ती खार दांडा  परिसरात एका फ्लॅटमध्ये राहत होती. मंगळवारी रात्री ती फ्लॅटमध्ये हातावर जखमा  व  मृतावस्थेत पंख्याला लटकलेली आढळली.

हत्या झाल्याचा कुटुंबियांना संशय

पोलिसांनी नागालँडमध्ये राहणारी मृत साराची आई रोझी यांच्याशी संपर्क साधला. त्या मंगळवारी मुंबईत आल्या. खार पोलिसांनी मंगळवारी दुपारी कूपर हॉस्पिटलमध्ये सारा यंथनचे पोस्टमॉर्टम केले आणि मृतदेह तिच्या आईकडे सोपवला. साराचे एका बँकेत काम करणाऱ्या एका इसमासोबत संबंध होते आणि तो तिला लग्नासाठी बळजबरी करत होता. अशी माहिती तिच्या आईने दिली. पोलिस शवविच्छेदनाच्या अहवालाच्या प्रतीक्षेत आहेत.   
Edited by : Smita Joshi