संबंधित माहिती
- WhatsApp वर शोधता येतील कोरोना लसीकरण केंद्र, कशा प्रकारे जाणून घ्या
- कामगारांसाठी जाहीर केलेली मदत कामगारांपर्यंत पोहोचविण्यासाठी कामगार विभाग कटिबध्द : हसन मुश्रीफ
- राज्यात लॉकडाऊन वाढवला, १५ मेपर्यंतची नियमावली जाहीर
- Truecallerने कोविड हॉस्पिटलची फोन डायरेक्टरी सुरू केली, कठीण परिस्थितीत मोठी मदत मिळू शकेल
- #MahaCovid हॅशटॅगद्वारे ट्विटरवर मराठीजनांचा मदतीचा हात
जी मदतीची घोषणा केलीये, ती पूर्ण केली जाईल : मुंबई महापौर .
मुंबईतील रुग्णसंख्या घटत असून, करोना प्रसार नियंत्रणात आणण्यासाठी महापालिकेकडून प्रयत्न केले जात आहे. “फेरीवाल्यांची नोंदणी झाली आहे. फेरीवाल्यांचे झोन तयार करताना ती नोंदणी केलेली आहे. त्यामुळे जी मदतीची घोषणा केलीये, ती पूर्ण केली जाईल,” अशी माहितीही महापौर किशोरी पेडणेकर यांनी दिली.
महापौर पेडणेकर म्हणाल्या, “महापालिका लहान मुलांसाठी वार्ड तयार करण्यासाठी जागा शोधत आहे. लहान मुलांसाठी पाळणाघर तयार करण्याचाही प्रयत्न आहे. दिव्यागांसाठी घरात ठेवणं घातक ठरू शकतं. त्यामुळे या सगळ्यांचा विचार केला जात आहे. जागांचा शोध सुरू आहे. त्याप्रमाणे कारवाई केली जाईल,” असं पेडणेकर म्हणाल्या.
“४५ वर्षापुढील व्यक्ती आणि पहिल्या फळीतील कोविड योद्धे थेट लसीकरण केंद्रात जाऊन लसीचा दुसरा डोस घेऊ शकतात. अशी ५९ केंद्र आहेत. याची प्रत्येक वार्डला माहिती दिली जाणार आहे. प्रत्येक वार्डच्या बाहेर या लसीकरण केंद्रांची माहिती उपलब्ध करून दिली जाईल. वॉर रुममध्येही चालू असलेल्या लसीकरण केंद्राची मिळेल,” अशी माहिती महापौरांनी दिली.
पुढील लेख
