वसई रोड: पतीने पत्नीला रेल्वेखाली ढकलले

लोहमार्ग पोलिसांनी दिलेल्या माहितीनुसार, नवी मुंबईतील वस‌ई रोड रेल्वे स्थानकावर रविवारी रात्री एक जोडपे आपल्या दोन लहान मुलांसह प्लॅटफॉर्म क्रमांक पाचवर झोपले होते. ते कुठून आले होते व कुठे जाणार होते याची अद्याप माहिती नाही. सोमवारी पहाटे चारच्या सुमारास आरोपीने गाढ झोपेत असलेल्या पत्नीला त्याने उठवले आणि अवध एक्स्प्रेस च्या समोर तिला ट्रॅकवर ढकलून दिले. त्यानंतर आरोपी पती आपल्या दोन्ही लहान मुलांना घेऊन तिथून पळून गेला. वसई लोहमार्ग पोलिसांनी सीसीटीव्ही कॅमेरे तपासले असता ही धक्कादायक घटना उघडकीस आली. मृत महिलेची ओळख अद्याप पटू शकली नाही. पोलिसांनी आरोपी पतीच्या विरोधात हत्येचा गुन्हा दाखल केला आहे. पोलीस त्याचा शोध घेत आहे.