केदारनाथ मंदिराचे कपाट भाविकांसाठी उघडले, भाविकांना दर्शन घेता येणार

शुक्रवारी सकाळी 6.25 वाजता जय केदारच्या जयघोषात भगवान केदारनाथचे दरवाजे भाविकांसाठी उघडले. केदार मंदिरात बाबांची पंचमुखी मूर्ती ठेवण्यात आली होती. विधी आणि धार्मिक परंपरांनुसार भगवान केदारनाथचे कपाट उघडण्यात आले. पहिली पूजा पंतप्रधान नरेंद्र मोदी यांच्या नावाने करण्यात आली. मुख्यमंत्री पुष्कर सिंह धामी यांनी बाबा केदार पूजा करून आशीर्वाद घेतले.

सर्वप्रथम पुजारी व वेदपाठींनी गर्भगृहाची स्वच्छता करून नैवेद्य अर्पण केले. त्यानंतर मंदिरात पूजा करण्यात आली. लष्कराच्या बँडच्या सुरांसह संपूर्ण केदारनाथ भोले बाबांच्या जयघोषाने दुमदुमून गेला. यावेळी केदारनाथ धामचे रावल भीमाशंकर लिंगा आणि मुख्यमंत्री पाश्कर सिंह धामी यांच्यासह बीकेटीसीचे सदस्य उपस्थित होते. मंदिराची आरास दहा क्विंटल फुलांनी केली आहे.