बडगाममध्ये चकमक, दहशतवादी लतीफसह तीन दहशतवाद्यांचा खात्मा

एडीजीपी काश्मीर विजय कुमार यांनी या चकमकीला मोठे यश मानले आहे. “लष्कर-ए-तैयबाचे तीन दहशतवादी ठार झाले आहेत. घटनास्थळावरून मृतदेह काढण्याचे काम सुरू आहे. त्यांची अद्याप ओळख पटलेली नाही. घटनास्थळावरून घातक साहित्य, शस्त्रे आणि दारूगोळा जप्त करण्यात आला आहे. हे आमच्यासाठी मोठे यश आहे.'

दरम्यान, सुरक्षा दलांनी उधमपूर-कटरा रेल्वे लिंक आणि उधमपूर रेल्वे स्थानकावर सुरक्षा व्यवस्था वाढवली आहे. स्वातंत्र्य दिनापूर्वी विशेष श्वान पथक, जीआरपी आणि आरपीएफचे जवान तैनात करण्यात आले आहेत. प्रवाशांचा शोध घेऊन चौकशी केली जात आहे.