पूर्व-उत्तर क्षितिजावर उल्कावर्षाव दिसणार

१२ आॅगस्ट रोजी मध्यरात्रीनंतर तीन वाजता (सोमवारी १३ आॅगस्ट रोजी पहाटे) ईशान्य म्हणजे पूर्व-उत्तर क्षितिजावर ययाती तारकासंघातून उल्कावर्षाव दिसेल. या दिवशी पृथ्वी ही स्विफ्ट टटल धूमकेतूच्या मार्गातून जाईल. सुमारे १३३ वर्षांनी सूर्याला प्रदक्षिणा घालणारा स्विफ्ट टटल हा धूमकेतू याआधी ११ डिसेंबर १९९२ रोजी सूर्यापाशी आला होता. त्यामुळे ताशी दोनशे ते पाचशे उल्का पडताना दिसल्या होत्या.