नीरव मोदीचा बंगला स्फोटकांनी उडवून जमीनदोस्त केला

डायमंड किंग निरव मोदी यांचा किहीम येथील बंगला सीआरझेडचे उल्लंघन केल्याने जिल्हाधिकारी यांनी अनधिकृत ठरवला होता. त्यानुसार मोदी याच्या बंगल्यावर १७ डिसेंबर रोजी जिल्हा प्रशासनाकडून कारवाई करण्यास सुरुवात केली होती. यासाठी जेसीबीच्या साहाय्याने बंगला पाडण्याचे काम सुरू केले होते. मात्र हा बंगला आरसीसी व दगडाने मजबूत बांधकाम करून बांधला असल्याने तो पाडण्यास दिरंगाई होत होती. यासाठी मोदी यांचा हा बंगला सुरुंग लावून पाडण्याचा निर्णय जिल्हा प्रशासनाकडून घेण्यात आला.