प. बंगालमधील विधानसभा बरखास्त, राज्यपालांचा मोठा निर्णय

गुरुवार, ७ मे रोजी, राज्यपाल आर. एन. रवी यांनी राज्य विधानसभा बरखास्त करण्याचा अधिकृत आदेश जारी केला. कोलकाता गॅझेटमध्ये प्रसिद्ध झालेल्या या अधिसूचनेनंतर, ममता बॅनर्जी यांचे सरकार घटनात्मकदृष्ट्या संपुष्टात आले. राज्यपालांनी जारी केलेल्या अधिसूचनेत स्पष्ट केले आहे की, घटनेच्या अनुच्छेद १७४ च्या कलम २ च्या उपकलम (ब) अन्वये प्रदान केलेल्या अधिकारांचा वापर करून, विधानसभा ७ मे, २०२६ पासून बरखास्त करण्यात आली आहे.

सर्वसाधारण परिस्थितीत, पराभवानंतर मुख्यमंत्री राजीनामा देतात आणि नवीन सरकार स्थापन होईपर्यंत काळजीवाहू म्हणून काम पाहतात. तथापि, ममता बॅनर्जी यांनी राजीनामा न देण्याच्या घेतलेल्या ठाम निर्णयामुळे राज्य एका नाजूक वळणावर येऊन थांबले. आपल्या विवेकाधीन अधिकारांचा वापर करून, राज्यपालांनी सभागृह विसर्जित केले, ज्यामुळे तांत्रिकदृष्ट्या ममता बॅनर्जी यांचा मुख्यमंत्रीपदी राहण्याचा नैतिक आणि कायदेशीर आधार संपुष्टात आला.

Edited By- Dhanashri Naik