पुणेकरांवर वाढीव कराचा बोजा लादला जाणार की नाही

आगामी आर्थिक वर्षामध्ये महापालिकेच्या सार्वत्रिक निवडणुका असल्याने आयुक्तांनी सूचवलेली प्रस्तावित करवाढ रद्द होणार, अशी अटकळ बांधण्यात येत होती. त्यावर स्थायी समितीच्या खास सभेत शिक्कामोर्तब करण्यात आले. पालिका आयुक्तांनी उत्पन्नात वाढ होण्यासाठी सर्वसाधारण करामध्ये साडेपाच टक्के, सफाई करामध्ये साडेतीन टक्के आणि जलनि:सारण करामध्ये दोन टक्के वाढीचा प्रस्ताव सुचवला होता.

स्थायी समितीने जानेवारीमध्ये सादर केलेल्या प्रस्तावामध्ये या करवाडीमधून अतिरिक्त 130 कोटी रुपयांचे उत्पन्न वाढणार असल्याचा दावा केला होता. आगामी आर्थिक वर्षात महापालिकेच्या सार्वत्रिक निवडणुका होणार असल्याने ही करवाढ होणार नाही, असे रासने यांनी यापूर्वीच सांगितले होते. स्थायी समितीच्या  बैठकीत यावर शिक्कामोर्तब केले.