झोपडीत झोपलेल्या १० मजुरांना ट्रकने चिरडले;

चिखलदऱ्यातील रहिवाशी असलेले हे मजूर नांदुऱ्यात रस्ता निर्मितीच्या कामासाठी आले होते. प्रकाश बाबू जांभेकर (२६), पंकज तुळशीराम जांभेकर (२६), अभिषेक रमेश जांभेकर (१८) अशी अपघातात निधन झालेल्या तीन मजुरांची नावे असून चौथ्या मजुराचा उपचारांदरम्यान मृत्यू झाला.

बुलढाण्यात नांदुरा- मलकापूर मार्गावर महामार्गाचे काम चालु आहे. या कामासाठी काही मजूर आले होते. महामार्गाच्या रस्त्याला लागूनच त्यांनी राहण्यासाठी व्यवस्था केली होती. आपल्या झोपडीत हे मजूर रात्री गाढ झोपेत असताना या मार्गावरील भरधाव ट्रक कामगारांच्या झोपडीत घुसला.

या झोपडीत एकूण 10 कामगार झोपले होते. त्यापैकी चौघे जागीच ठार झाले तर सहाजण गंभिर जखमी झाले आहेत. परप्रांतिय अदिवासी कामगारांच्या अशा दुर्दैवी मृत्युमुळे हळहळ व्यक्त होत आहे. बुलढाण्यात नांदुरा- मलकापूर मार्गावर दिवस-रात्र ट्रक आणि मोठ्या आवजड वाहनांची ये- जा सुरू असते. तसेच या रस्त्यावर अपघातांचे प्रमाण वाढले असल्याचं स्थानिकांनी सांगितले आहे.