सांगलीत तरुणाची आत्महत्या, मुस्लिम मुलीच्या प्रेमात होता धर्मांतर करण्याच्या दबाव, आईचा आरोप

मिळालेल्या माहितीनुसार  मुस्लिम मुलीच्या प्रेमात पडल्याने इस्लाम धर्म स्वीकारण्याच्या दबावाखाली असलेल्या तरुणाला आत्महत्येसाठी प्रवृत्त केल्याप्रकरणी सांगली पोलिसांनी एका व्यक्तीला अटक केली आहे.  मृताची ओळख १९ वर्षीय दुर्वांक प्रमोद शेवाळे अशी पटली असून, तो मूळचा सांगलीतील रहिवासी  होता. लग्नापूर्वी दुसऱ्या धर्मात धर्मांतर करण्यासाठी आलेल्या दबावामुळे तरुणाने हे टोकाचे पाऊल उचलले, असा आरोप त्याच्या आईने केला आहे, असे पोलिसांनी सांगितले.

पोलिसांनी सांगितले की, दुर्वांक गळफास घेतलेल्या अवस्थेत आढळला. कुटुंबीयांच्या म्हणण्यानुसार, दुर्वांकचे एका मुलीसोबत प्रेमसंबंध होते आणि त्याला लग्न करायचे होते. असा आरोप आहे की, त्या मुलीने आणि तिच्या साथीदारांनी लग्नासाठी दुर्वांकवर दुसऱ्या धर्मात धर्मांतर करण्याची अट घातली होती, ज्यामुळे तो गेल्या काही दिवसांपासून तीव्र मानसिक तणाव आणि नैराश्यात होता. या प्रकरणात पोलिसांनी एका तरुणाला अटक केली आहे, तर सहआरोपी प्रियेसीविरुद्ध गुन्हा दाखल करण्यात आला असून कायदेशीर कारवाई सुरू करण्यात आली आहे.

Edited By- Dhanashri Naik