बीडमध्ये मराठा आंदोलनातील कार्यकर्त्यांची कार ट्रकला धडकली; इंदापूर येथील आंदोलकाचा मृत्यू

मिळालेल्या माहितीनुसार आंदोलनाचे प्रमुख नेते मनोज जरांगे पाटील यांनी उपोषण मागे घेतल्यानंतर विविध जिल्ह्यांतील आंदोलक आणि कार्यकर्ते आपापल्या गावी परतत होते. पुणे जिल्ह्यातील इंदापूर येथील कार्यकर्तेही कारने परतत होते. मध्यरात्री, बीड-अहमदनगर महामार्गावरील मंजरसुंबाजवळ, त्यांची कार अचानक नियंत्रणाबाहेर गेली आणि रस्त्याच्या कडेला उभ्या असलेल्या एका अवजड ट्रकच्या मागच्या भागाला धडकली. ही धडक इतकी जोरदार होती की रामचंद्र जामदादे यांचा घटनास्थळीच मृत्यू झाला. तर त्यांचे इतर दोन साथीदार, संतोष माने आणि बिपिन मोरे, हे देखील गंभीर जखमी झाले. दोन्ही जखमींना तातडीने बीड येथील एका खाजगी रुग्णालयाच्या आयसीयूमध्ये दाखल करण्यात आले आहे.

Edited By- Dhanashri Naik