दिशा सालियन प्रकरणावर आदित्य ठाकरे म्हणाले ‘मला बदनाम करण्याचा प्रयत्न’

मिळालेल्या माहितीनुसार अभिनेता सुशांत सिंग राजपूतची माजी मॅनेजर दिशा सालियनचे वडील सतीश सालियन यांनी जून २०२० मध्ये ज्या रहस्यमय परिस्थितीत त्यांची मुलगी मृतावस्थेत आढळली त्याची पुन्हा चौकशी करण्याची मागणी करण्यासाठी मुंबई उच्च न्यायालयात धाव घेतली आहे. त्यांनी सांगितले की, याचिकेत आदित्य ठाकरेंविरुद्ध एफआयआर नोंदवण्याची आणि तपास केंद्रीय अन्वेषण विभागाकडे (सीबीआय) सोपवण्याची मागणी करण्यात आली आहे. यानंतर आदित्य ठाकरे यांच्या अटकेची मागणीही होऊ लागली. आता आदित्य ठाकरे यांनी या प्रकरणात प्रतिक्रिया दिली आहे.

जून २०२० मध्ये दिशा सालियनच्या आकस्मिक मृत्यू प्रकरणात त्यांची प्रतिमा खराब करण्याचा प्रयत्न केला जात आहे आणि ते न्यायालयासमोर त्यांची बाजू मांडतील, असे शिवसेना युबीटी नेते आदित्य ठाकरे यांनी गुरुवारी सांगितले. महाराष्ट्राचे मंत्री ठाकरे म्हणाले की, गेल्या पाच वर्षांपासून माझी प्रतिमा मलिन करण्याचे प्रयत्न सुरू आहे. आम्ही आमची बाजू न्यायालयात मांडू. आम्ही आमचे उत्तर न्यायालयात देऊ. असे देखील आदित्य ठाकरे म्हणाले. 

Edited By- Dhanashri Naik