शिवसेनेची संघटनात्मक निवडणुक औपचारिकता, आदित्य नेते

राजकीय पक्षांना संघटनात्मक निवडणुकांची औपचारिकता पार पाडावी लागते. त्यानुसार पंचवार्षिक निवडणुकांची प्रक्रिया शिवसेनाप्रमुख बाळासाहेब ठाकरे यांच्या जयंतीनिमित्त पार पाडली जाणार आहे. या पाश्र्वभूमीवर शिवसेना पक्षप्रमुख उद्धव ठाकरे यांनी सोमवारी पक्षाच्या नेत्यांशी चर्चा केली. युवासेना प्रमुख आदित्य ठाकरे यांना नेतेपदी बढती मिळणार आहे. ठाण्यातील प्रभावशाली नेते एकनाथ शिंदे आणि आमदार अनिल परब यांच्याकडेही नेतेपदाची जबाबदारी सोपविली जाण्याची शक्यता आहे. पक्षात नव्या पदांची निर्मिती केली जाणार आहे. त्यानुसार मनोहर जोशी, सुधीर जोशी, लीलाधर डाके आदी नेत्यांवर मार्गदर्शकाची वेगळी जबाबदारी सोपविली जाईल.