Biodata Maker marathi
✕

अटक वॉरंट तामिल करायला गेलेल्या पोलिसांवर जीवे हल्ला ; एक जागीच ठार तर दोन जखमी

Updated: सोमवार, 26 नोव्हेंबर 2018 (16:18 IST)
 
यवतमाळ जिल्ह्यातील मारेगाव पोलीस ठाण्यापासून दहा कि.मी. अंतरावर असलेल्या हिवरी येथील ही अंगाचा थरकाप उडवणारी घटना घडली आहे. मारेगावचे पोलीस निरीक्षक वडगावकर यांनी दिलेल्या आदेशानुसार पोलीस हवालदार मधुकर निळकंठ मुके वय ५२, हवालदार राजेंद्र बाजीराव कुळमेथे वय ४८, पोलीस शिपाई प्रमोद फुफरे वय ३१, पो.चालक राहुल बोन्डे वय ३२, पोलीस नाईक निलेश वाढई वय ३५ सर्व पोलीस वाहन क्रमांक एम.एच. ३७ ए ४२४६ ने अजामीनपात्र वारंट घेऊन आरोपी अनिल लेतू मेश्राम वय ३५ याला ताब्यात घेण्याकरीता आरोपीच्या घरी आज सोमवारी रात्री एक वाजताच्या सुमारास गेले होते. सदर पोलीस कर्मचाऱ्यांनी आरोपीला आवाज देऊन पोलीस असल्याचे सांगितले. तुझ्यावर अटक वारंट आहे. म्हणून पोलीस ठाण्यात सोबत येण्यास सांगितले. तेंव्हा मी येत नाही. तुम्ही माझे काय करता ते मी पाहून घेतो. मला हात लावून दाखवा असे म्हणत आरोपी आणि त्याची आई इंदिरा मेश्राम यांनी लाकडी दांडक्याने पोलिसांवर हल्ला चढवला होता. अचानक झालेल्या हल्याने पोलीस घाबरून गेले. यात जमादार राजेंद्र कुळमेथे यांच्या डोक्याला, हाताला आणि तोंडाला गंभीर मार लागल्याने ते खाली कोसळले. पोलीसांनी स्वरक्षणासाठी हल्ला रोखण्याचे प्रयत्न केले. परंतु आरोपीच्या आक्रमकतेपुढे पोलीस हतबल झाले. यावेळी पोलीस हवालदार मधुकर मुके, पोलीस शिपाई प्रमोद फुफरे या हल्यात गंभीर जखमी झाले आहेत. आरोपीच्या आक्रमक भूमिकेमुळे घाबरून पोलिसांनी मोठ- मोठ्याने आवाज देत गावातील लोकांना मदतीला बोलविले. मात्र आरोपी अंधारात पळून गेला.यावेळी गावातील गुणवंत देरकर आणि सहकारी मदतीला धावून आले. गंभीर जखमी राजेन्द्र कुळमेथे यांना घेऊन पोलीस माघारी मारेगावला आले. राजेंद्र कुळमेथेसह सर्व जखमींना मारेगाव येथील ग्रामीण रुग्णालयात उपचारासाठी दाखल करण्यात आले. मात्र तपासणीअंती डॉक्टरांनी कुळमेथे यांना मृत घोषित केले. तर मधुकर मुके, प्रमोद फुफरे यांच्यावर उपचार सुरू आहे. घटनेची फिर्याद हवालदार मधुकर मुके यांनी मारेगाव पोलिसात दिली.मारेगांव पोलिस स्टेशन अंतर्गत अनिल मेश्राम याच्यावर भा द वी 324 ; 452 गुन्हा दाखल होता. न्यायालयाने जामीन दिल्यानंतर आरोपी न्यायालयात कधीही हजर झाला नव्हता. न्यायालयाने आरोपीवर अटक वॉरंट बजावला होता . तो तामिल करण्यासाठी हे सर्व पोलिस गेले होते. आरोपी हा विकृत असल्याचे समजते. यापूर्वीही त्याने पोलिसांवर हल्ला केल्याचे समजते. या घटने नंतर पोलिस वर्तुळात एकच खळबळ उडाली आहे.
 

सर्व पहा

फुफ्फुसे मजबूत करण्यासाठी दररोज फक्त १० मिनिटे प्राणायाम करा, फायदे जाणून घ्या

कमी वेळात काढा सोपी अन् सुंदर रांगोळी! ५ मिनिटांत बनणाऱ्या ४ बेहतरीन डिझाइन्स

टिकू तलसानिया आणि पूजा जोशी यांच्या 'देवी विज्ञानम' या चित्रपटाचा ट्रेलर प्रदर्शित

धूर्तपणाचे वाईट परिणाम होतात; पिंजऱ्यातील सिंह...हितोपदेशातील गोष्ट

लक्ष्मीपूजनाच्या दिवशी घराच्या मुख्य दारावर 'या' ५ गोष्टी नक्की लावा

सर्व पहा

राष्ट्रवादी काँग्रेसच्या विलीनीकरणावर पूर्णविराम? दोन्ही गट एकत्र येणार नाहीत; नसीम सिद्दीकी यांचे स्पष्ट वक्तव्य

LIVE: अन्न व औषध प्रशासनाने नाशिक विभागातील पाच जिल्ह्यांमध्ये १२० खाद्य आस्थापनांचे परवाने निलंबित केले.

नालासोपारा परिसरात इमारतीच्या २० व्या मजल्यावर आग, वाहनांचे नुकसान, ३ जण जखमी

महाराष्ट्रातील राजकीय खळबळ वाढली; शरद पवार-प्रफुल्ल पटेल भेटीनंतर देवेंद्र फडणवीस यांचे मोठे वक्तव्य

एफडीएचा मोठा कारवाईचा बडगा! नाशिक विभागातील ५ जिल्ह्यांमधील १२० खाद्य आस्थापनांचे परवाने निलंबित

पुढील लेख
Show comments