पंढरपूर विकास योजना: मुख्यमंत्री फडणवीस यांचा मोठा निर्णय, विठ्ठल नगरीचा कायापालट करणार!

मुख्यमंत्री देवेंद्र फडणवीस यांच्या अध्यक्षतेखाली झालेल्या या उच्चस्तरीय बैठकीला राज्यातील अनेक प्रमुख नेते उपस्थित होते. उपमुख्यमंत्री एकनाथ शिंदे, उपमुख्यमंत्री सुनेत्र अजित पवार आणि आमदार समाधान आवताडे यांच्यासह अनेक वरिष्ठ अधिकारी उपस्थित होते. ही संपूर्ण विकास योजना नगरविकास विभागामार्फत राबवली जाईल, असे मुख्यमंत्र्यांनी स्पष्ट केले.

पंढरपूरच्या विकासासाठी सरकारने आपला खजिना खुला केला आहे. सोलापूरच्या जिल्हाधिकाऱ्यांनी सादर केलेल्या या महत्त्वाकांक्षी योजनेला १८ जून २०२६ रोजी ३,९९३.९० कोटी रुपयांची प्रशासकीय मंजुरी देण्यात आली. या अर्थसंकल्पामुळे पंढरपूरच्या विकासाला नवी दिशा मिळेल, असा विश्वास मुख्यमंत्र्यांना आहे.

वारकऱ्यांसाठी सुविधांचा वर्षाव

या भव्य अर्थसंकल्पाचा मोठा भाग थेट भाविकांच्या सोयीसाठी राखून ठेवण्यात आला आहे:

भव्य कॉरिडॉर: मंदिर परिसरात एक भव्य कॉरिडॉर बांधण्यासाठी ₹२५४.६१ कोटी खर्च केले जातील.

वारकरी सुविधा: भाविकांसाठी सर्वसमावेशक सुविधांच्या विकासासाठी ₹२८८.६६ कोटींची तरतूद करण्यात आली आहे.

वारसा जतन: प्राचीन मंदिरे आणि मठांच्या जतन आणि संवर्धनासाठी ₹३६ कोटी राखून ठेवण्यात आले आहेत.

नदी आणि घाट: चंद्रभागा नदीच्या घाटांचे सुशोभीकरण, आधुनिक पार्किंग आणि रस्त्यांच्या विकासावर एकूण ₹१,३८७.९१ कोटी खर्च केले जातील.

Edited By- Dhanashri Naik