अंगणवाडी सेविकांच्या संपाचा आज २६ वा दिवस आहे. मुंबईतील आझाद मैदान येथे राज्याच्या कानाकोपऱ्यातून सेविका जमा झाल्या आहेत. चित्रा वाघ आणि आमदार विद्या चव्हाण यांनी आज आंदोलनस्थळी भेट देऊन सेविकांना पाठिंबा दिला. यावेळी त्या म्हणाल्या की संप होऊ नये म्हणून अंगणवाडीच्या संघटनांनी प्रयत्न केले होते. मात्र सरकारकडून एकदाही सकारात्मक भूमिका घेतली गेली नाही. म्हणून नाईलाजाने सेविकांना हा संप करावा लागत आहे. आपल्या मागण्या घेऊन जाणाऱ्या सेविकांना अधिकारी हकलून देत आहेत. इतकी मस्ती सरकारी यंत्रणेला आली आहे. यांची मस्ती उतरवण्यासाठी आपण सर्व मिळून संघर्ष करु, असंही त्या यावेळी म्हणाल्या.