धुळ्यात निवासी डॉक्टरला नातेवाईकांकडून जबर मारहाण

धुळ्यामध्ये सरकारी रुग्णालयात निवासी डॉक्टरला रुग्णाच्या नातेवाईकांनी जबर मारहाण करण्यात आली आहे. या घटनेत डॉ. रोहन मामूनकर यांचा डोळा निकामी होण्याची भीती व्यक्त केली जात आहे. डॉ.रोहन मामुनकर हे निवासी अस्थिरोग तज्ज्ञ आहेत. डॉ. मामूनकर यांना मंगळवारी दुपारी मुंबईला हलवण्यात आल आहे. या प्रकरणी 9 जणांना अटक करण्यात आली आहे. आरोपींना 15 मार्चपर्यंत पोलीस कोठडी सुनावण्यात आली आहे. धुळे शहरातील साक्री रोडवर तीन दिवसांपूर्वी झालेल्या दुचाकी अपघातात शत्रुघ्न शिवाजी लष्कर हा तरुण गंभीर जखमी झाल्याने त्याला जिल्हा रुग्णालयात दाखल करण्यात आलं. यावेळी डॉ. मामूनकर यांनी या रुग्णाला न्यूरो सर्जनची आवश्यकता असल्याचे सांगितलं. मात्र रुग्णालयात न्यूरोसर्जन नसल्याने उपचाराअभावी शत्रुघ्नचा मृत्यू झाला आरोप त्याच्या नातेवाईकांनी केला. त्यानंतर संतप्त नातेवाईकांनी डॉ. मामूनकर यांना धक्काबुक्की करत मारहाण केली. यात डॉ. रोहन मामूनकर यांच्या डोळ्याला गंभीर दुखापत झाली.