नकली नोटा चोरून चोरट्यांचा डान्स

अंबाजोगाई शहरातील वाघाळा रोडवरील वरद पार्क येथे सूर्यकांत जानसाराव तेलंग यांचे दुकान आहे. शनिवारी रात्रीच्या सुमारास त्यांच्या दुकानात दुकानाचे शटर तोडून चोरटे शिरले त्यांच्या हाती मुलांच्या खेळण्यातील दोनशे ,पाचशे आणि दोन हजाराच्या नोटा सापडल्या. त्यांना इतका आनंद की त्यांनी दुकानात डान्स केला. नंतर त्यांनी गल्ल्यातील सहा हजार रुपये काढले आणि दुकानाच्या समोर लावलेली सूर्यकांत तेलगांची दुचाकी देखील पळवली. चोरीची ही संपूर्ण घटना सीसीटीव्ही कॅमेरात कैद झाली आहे. या प्रकरणी तेलंग यांनी अंबाजोगाई पोलीस ठाण्यात चोरीची तक्रार केली आहे. पोलीस सीसीटीव्ही फुटेज पाहून चोरट्यांचा शोध घेत आहे.