संभाजी भिडेंना तात्काळ अटक करण्याची मागणी

या आंदोलनाचा भाग म्हणून परभणी भिमशक्ती संघटनेच्या वतीने जिल्हाधिकारी कार्यालय येथे निवेदन देण्यात आले. भिडे यांनी ज्यांची बदनामी केली आहे ते सर्व राष्ट्रपुरुष आहेत आणि तमाम बहुजनांचे आदर्श आहेत. त्यामुळे संभाजी भिडेंवर तात्काळ राष्ट्रद्रोहाचा गुन्हा दाखल करून स्थानबध्द करावे यासाठी भिमशक्तीच्या वतीने आंदोलन करण्यात आले. भिडे यांना अटक न झाल्यास मिमशक्ती संघटना रस्त्यावर उतरुन व्यापक आंदोलन करील असा इशारा या निवेदनाद्वारे देण्यात आला आहे.