उपमुख्यमंत्री पदावरून देवेंद्र फडणवीस नाराज? या कारणामुळे चर्चा

देवेंद्र फडणवीस यांनी त्यांच्या ट्विटर, फेसबुक, इन्स्टाग्राम या सर्व अकाऊंटवर कुठेही उपमुख्यमंत्री पदाचा उल्लेख केलेला नाही. तसेच, उपराष्ट्रपती व्यंकय्या नायडू यांचा आज वाढदिवस आहे. फडणवीस यांनी नेहमीप्रमाणे नायडू यांना शुभेच्छा दिल्या आहेत. मात्र, फडणवीस यांनी त्यांच्या नावाखाली कुठल्याही पदाचा उल्लेख केलेला नाही. त्यामुळे फडणवीस हे नाराज असल्याचे स्पष्ट होत आहे. महाविकास आघाडी सरकार कोसळणे, विधान परिषद आणि राज्यसभा निवडणुकीतील भाजपचे लक्षणीय यश आणि आता निर्माण झालेले नवे सरकार या सर्वांमध्ये फडणवीस यांचा मोठा वाटा आहे. असे असताना भाजपने त्यांना दुसऱ्या क्रमांकाचे पद स्विकारायला लावून त्यांचा मोठा अपमान केल्याचे किंवा त्यांच्या राजकीय कारकिर्दीला ब्रेक लावल्याचे बोलले जात आहे.