मुख्यमंत्री देवेंद्र फडणवीस यांचा आज शिर्डी दौरा; रेल्वे प्रवासाची सोशल मीडियावर जोरदार चर्चा

पंतप्रधान नरेंद्र मोदी यांनी काही दिवसांपूर्वीच लोकप्रतिनिधींना आणि सर्वसामान्य नागरिकांना पर्यावरणपूरक प्रवासासाठी आणि जनतेशी थेट जोडले जाण्यासाठी सार्वजनिक वाहतुकीचा जास्तीत जास्त वापर करण्याचे आवाहन केले होते. पंतप्रधानांच्या याच आवाहनाला प्रतिसाद देत मुख्यमंत्र्यांनी हा निर्णय घेतला असून, राजकीय आणि सामाजिक वर्तुळात या निर्णयाचे कौतुक केले जात आहे.

मुख्यमंत्री रेल्वेने प्रवास करणार असल्यामुळे रेल्वे प्रवासी आणि भाजप कार्यकर्त्यांमध्ये कमालीची उत्सुकता पाहायला मिळत आहे. मुख्यमंत्र्यांच्या स्वागतासाठी विविध रेल्वे स्थानकांवर कार्यकर्त्यांनी जय्यत तयारी केली आहे. या प्रवासाच्या पार्श्वभूमीवर सुरक्षा व्यवस्थेत मोठी वाढ करण्यात आली असून रेल्वे प्रशासन आणि पोलीस यंत्रणा पूर्णपणे सतर्क आहे.